Arlind Ajeti është një nga lojtarët e njohur që ka luajtur për ekipin tonë përfaqësues. Qendërmbrojtësi nuk është preferuar nga trajneri Christian Panucci për dy ndeshjet e Ligës së Kombeve, përkatësisht ndaj Izraelit dhe Skocisë. Faza difensive kishte probleme të dukshme, megjithatë tekniku italian vendosi t'i qëndronte besnik Gjimshitit dhe Veselit.
Në këtë situatë, është Ajeti që duket sikur provokon përmes një postimi në rrjetet sociale. Përfaqësuesja e Kosovës fitoi mbrëmë me rezultatin 2-0 kundër skuadrës së Ishujve Faroe dhe kaq ka mjaftuar që ai të bëhet pjesë e festës së shqiptarëve të Kosovës.
"Bravo Kosova. Në majë", shkruan Ajeti. Ndërkohë në fitoren e Shqipërisë me rezultatin 1-0 ndaj Izraelit, qendërmbrojtësi nuk preferoi të bënte asnjë reagim.
[gallery size="full" columns="1" ids="276870"]
