Ditën e shtunë në “Selman Stermani” u luajt sfida e rëndësishme midis Tiranës dhe Kukësit, e cila përfundoi me rezultatin 1-3. Ndeshja pati një interesim të lartë nga spotdashësit, duke parë se të dyja klubet janë në “luftë” për titullin kampion.
Në fillim të ndeshjes, ashtu si në çdo sfidë të zhvilluar në Shqipëri këtë javë, ekipet dolën të veshura me bluzet e bardha të cilat mbanin mbishkrimin “Dhuro për Shqipërinë”. Nisma vjen për të ndihmuar të prekurit nga tërmeti i fuqishëm i datës 26 nëntor.
Pas përfundimit të sfidës sulmuesi i Tiranës Michael Ngoo ka zgjedhur që foton e tij të veshur me bluzen e bardhë, ta shpërndaj në rrjetin e tij social në Instagram me shkrimin “Zot mbro vëllezrit dhe motrat e mia shqiptare”.
