Donjet Shkodra nuk është më pjesë e skuadrës së Kukësit. Verilindorët, me anë të një postimi në rrjetin social "Facebook" fanelderon futbollistin për të gjithë kontributin e dhënë me nënkampionët e vendit dhe i uron shumë suksese në karrierën e tij.
"Donjet Shkodra zyrtarisht nuk është më pjesë e skuadrës së FK Kukësit. Marrëveshja mes klubit tonë dhe kosovarit ka përfunduar. 29-vjeçari, i cili iu bashkua skuadrës sonë gjatë sezonit të kaluar, është aktivizuar në 46 ndeshje në të gjitha kompeticionet, duke arritur të shënojë 3 gola. FK Kukësi falenderon Donjet Shkodrën për kontributin e dhënë me skuadrën tonë dhe i uron suksese në karrierë", shkruhet në faqen zyrtare të Kukësit.
Ndërkohë, kujtojmë, që para pak ditësh, në kampin kuksian janë bashkuar edhe Eduard Rroca së bashku me Vasil Shkurtajn, të cilët kanë ardhur nga skuadra e Luftëtarit të Gjirokastrës.
Lexo gjithashtu
