Ndeshja mes Bylis dhe Tiranës për Kupën e Shqipërisë, e shumëpërfolur për ndryshime koeficientësh dhe favorizim të basteve është prej ditësh tanimë pjesë e Komisionit të Etikës. Javën që shkoi, ishte Bylis që ishte thirrur për të dhënë shpjegime pranë FSHF-së, ndërsa sot në 14:00 është radha e Tiranës.
Presidenti Halili, drejtori sportiv Laçi, trajneri Egbo, kapiteni Karabeci dhe portieri Lika do të japin shpjegimet e nevojshme përpara tre anëtarëve të Komisionit të Etikës, ndërsa një dosje me prova mësohet të jetë sjellë nga UEFA dhe kompania që merret me menaxhimin e basteve.
Pesë lojtarët dhe zyrtarët e Tiranës kanë mbërritr përpara pak minutave në ambientet e reja të FSHF-së, aty ku do të japin shpjegimet e nevojshme. Në pamjet e mëposhtme duken drejtuesit. Zyrtarët dhe lojtarët e bardhebluve që mbërrijnë njëri-pas tjetrit, aty ku do vendosen përballë Komisionit të Etikës.
Foto nga Procesi Sportiv:
Lexo gjithashtu
