Bashkia Maliq ka nisur nga puna për përmirësimin e infrastrukturës në stadiumin e qytetit. Prej muajsh plani është bërë gati, ndërsa mëngjesin e sotëm mjetet e rënda kanë nisur nga puna për rikonstruksionin e stadiumit.
Të ndodhur në grupin B të Kategorisë së Dytë, maliqarët kanë ndërtuar një skuadër simpatike, teksa kërkohet me çdo kusht ngjitja në të Parën. Veç skuadrës, nevoja urgjente për përmirësimin e stadiumit ka bërë që Bashkia si pronare e klubit të marrë masat e duhura duke nisur nga puna.
Maliqi fitoi me përmbysje 1-3 me Gramozin në Ersekë, duke ndezur shpresat për më sipër. Edhe sezonin që shkoi skuadra ishte pretendente, Maliqi u mposht vetëm në play-off duke mos u ngjitur në Kategorinë e Parë.
Loading ...
