Tirana-Partizani mbyllin të hënën javën e gjashtë të Kategorisë Superiore. Pritshmëritë janë të mëdha për derbin dhe siç ndodh zakonisht, kanë nisur ngacmimet.
Ish lojtari i të kuqve, Renato Malota ka bërë një postim në rrjetet sociale, ku ka vendosur të ngacmojë anën blu të kryeqytetit. Lojtari i Laçit në fotot e përzgjedhura gjatë derbeve të ndryshëm shkruan: “Përshendesni kryeqytetin”. Natyrisht, duke e vënë theksin te ngjyra e kuqe.Kujtojmë që Malota ka qënë pjesë e Partizanit në edicionin2008-2009 dhe në periudhën 2016-2018-të.
Derbi Tirana-Partizani do luhet nesër në Air Albania, me fillim nga ora 19.45.