Europa League sot foli shqip pasi 3 skuadrat shqiptare, Laçi, Teuta dhe Kukësi fituan dhe kaluan kështu në turin e dytë duke arritur një sukses të jashtëzakonshëm.
Fillimisht ishte Teuta që mundi me rezultatin e pastër 2-0 Beitar Jeruzalemin në "Niko Dovana".
Më pas ishte Laçi që bëri një ndeshje të jashtëzakonshme në Baku të Azerbajxhanit duke fituar me penallti 4-5 ndaj Keshlas. Në fund ishte radha e Kukësit në "Air Albania" që nuk gabon dhe mund Slavia Sofian me rezultatin 2-1.
Në faqen zyrtare, kampionët e Shqipërisë, Tirana me anë të një postimi ka uruar që të 3 klubet shqiptare për këtë suskes të arritur në Europë. Një gjest i veçantë nga bardheblutë që harrojnë "rivalitetin" në fushën e lojës dhe urojnë këto 3 skuadra për kalimin në turin e dytë. Tirana falenderon gjithashtu edhe FSHF-më për mbështetjen që I bën ekipeve vendase si dhe për nivelin Europian të organizimit të kampionateve.
Postimi i Tiranës:
KF Tirana uron skuadrat shqiptare, KF Teuta, KF Laci dhe FK Kukësi për kalimin e turit të dytë të Europa League. Gjithashtu përgëzon dhe falenderon Federatën Shqiptare të Futbollit për mbështetjen e vazhdueshme që i bën ekipeve vendase si dhe për nivelin Europian të organizimit të kampionateve. Suksese në vazhdim!
Lexo gjithashtu
