Në momentin kur Kombëtarja jonë ka nevojë për futbollistë që bëjnë diferencën, vjen dhe lajmi që i ul avantazhin Shqipërisë përballë Izraelit. Anësori Eros Grezda i është dhënë leja të largohet nga përfaqësuesja kuqezi për shkak se nuk është në kondicionin e duhur fizik dhe teknik për të luajtur një ndeshje ndërkombëtare. Lojtari nuk ka luajtur për 5 muaj, gjë që e bën të jetë jashtë forme. Në këtë mënyrë ai nuk do të aktivizohet fare për ndeshjen debutuese të kuqezinjve në Ligën e Kombeve. Lojtari u transferua në ditët e fundit të merkatos së verës te klubi i njohur skocez i Glasgow Rangers, duke iu rikithyer futbollit pas një kohe jo të shkurtër. Kjo i jep mundësi Lilës ose Gavazajt të aktivizohen në krahun e djathtë të fushës ku operon Grezda.
Loading ...
