Klinti Qato do jetë mungesa më e rëndësishme për Laçin në vazhdim, ku do përballen me Iskran në turin e parë të Conference League. Mesfushori këputi ligamentin në miqësoren ndaj Llapit dhe është i detyruar të qëndrojë për disa muaj jashtë fushave të blerta.
Qato ishte menduar si titullar nga Shpëtim Duro, që duhet t’i bëjë planet pa të. 24- vjeçari ka marrë mesazhe mbështetje gjatë kësaj periudhe të vështirë për të në karrierë.
Përmes “instastory” ai ka postuar së fundmi foto nga spitali, duke i falenderuar të gjithë për mbështetjen. Kujtojmë se ndeshjet e Laçit me Iskran janë më 7 dhe 14 korrik.