William Cordiero Melo i dha lamtumirën dje Partizanit, teksa në Instagramin e tij falënderonte të kuqtë për mbështetjen e dhënë në sezonin e shkuar. Ky lajm befasoi edhe vetë drejtuesit të cilët e konfirmuan lojtarin si pjesë e kryeqytetasve për sezonin e ri.
Ndoshta Melo është nxituar dhe nuk e ka ditur që ka kontratë edhe 1 vit me Partizanin, pasi në Instagramin e tij ai postim nuk ekziston. Ai e ka fshirë duke mbështetur në këtë mënyrë fjalët e drejtuesve që theksuan se mbetet pjesë e 16 herë kampionëve të vendit edhe për edicionin e ri futbollistik.