Triumfin e djeshëm ndaj Realit të Madridit lojtarët dhe tifozët e Atletico Madridit do ta kujtojnë gjatë në jetën e tyre. Për katër vite radhazi në Champions League. "Los Blancos" ua kishin bërë jetën "ferr" armiqve ndërqytetas të "Rojiblancos". Dje ishte ora e duhur e "shpagimit" dhe në një mënyrë therëse është "hakmarrë" dhe ylli francez i Atletico Madridit Antoine Griezmann.
Kampioni i botës me Francën ka postuar një foto në "Instagram" ku shfaqet si "mbreti" i ri i Madridit ndërsa kapiteni i Realit i vendos kurorën në kokë. Kjo është një shenjë "provokimi" direkt ndaj Ramosit që njihet si "armiku" më i madh i skuadrës së Diego Simeones. Pas largimit të Cristiano Ronaldos në korrik pas 9 vitesh në "Santiago Bernabeu", ylli i Atletico Madridit ka gjetur momentin e duhur për të "goditur" kampionët në fuqi.
Lexo gjithashtu
