Erjon Braçe i kundërpërgjigjet asaj talljeje që Duka ka bërë ndaj tij sot në takimin me median. Ai tha se Braçe është pseudotfioz dhe mëmirë njeh ngritjen e peshave. Lajmin mund ta gjeni këtu.
Por, në një reagim përmes rrjetit social "Instagram", Braçe e bën për një lek Armando Dukën.
E para, kur unë bëja tifo për Mustën, Berishën, Ahmetajn, Eksarkon, Hysin, Starovën, Duron, Muratin, Tomorrin, Millon, Lamen, Shehun, Ramadanin, Agalliun, Kacacin, Panon etj etj; Ti bëje tifo për pulat!
Dhe nuk kishe faj, bota keshtu është ndarë, disa ndjekin pasionin, disa lekun në glasa!
E dyta, e di, e ke mësuar që futbolli luhet me top, në një fushë me dy porta, me dy ekipe prej 11 lojtarësh. Madje madje e ke mësuar që në këtë lojë ka dhe arbitër, i vetmi që ti njeh në çdo ndeshje.
Kërkënd tjetër dhe ç'të duhet xhanëm!
Ti kaq di, siç tek pulat, çmimin për kokrat e vezëve, duhet patjetër që tamam t'i të përcaktosh edhe numrin e golave për ndeshje, edhe kush fiton e kush humb.
Ky eshte futbolli yt! Patjetër që une e njoh edhe këtë lloj futbolli, ndaj do vijoj të jem kundër teje, shtatori është afër!
E treta, ti do ndjekësh pas Skënderbeun! Harroje ti se do dënosh Skënderbeun për të shpëtuar veten. Ti ke qënë aty. Skënderbeu është thjesht viktima në Sistemin tënd, u mor, u përdor dhe tani po e flak pas "shtrydhjes".
Por, do e ndjekësh pas! Nuk shpëton dot, as me katër musketjerët e televizionit tënd që këtë futbollin që njeh e "luan" ti e shesin për më të bukurin në rajon, bio etj etj, as me fjalët e mëdhaja që mezi t'i mësojne t'i artikulosh dhe qëe ti s'i kupton kurrë.
(meqa ra fjala ç'domethëne "handikap"?) Eeeej, futbolli yt nuk shitet kund, nuk e financon kërkush.
Ky nuk është handikap por fakt. Dëshmon që futbolli yt është i rremë, i paravendosur, njësoj siç këtë sezon.
Ta kam thënë, njerëzit janë gati të financojne pulat e tua. Ato i bëjnë vezët jashtë kontrollit tënd, por jo të financojnë futbollin që ti "organizon", rezultatin e tij, ti përcakton e kërkon të shesësh.
Quhet ekonomi dhe nuk ta fal kush ty!
Ps: Ky helikopteri u kthye në taksi ditën e fundit të Kukësit në Gjirokastër.", përfundon Braçe./NEWSPORT.AL
Lexo gjithashtu
