Foto/ E prisnin te Lushnja, përfundon me “mik” te Flamurtari

Skuadra e Flamurtarit ka udhëtuar ditën e sotme drejt Greqisë për të zhvilluar miqësoren e parë, në kuadër të përgatitjeve dhe kualidimit të skuadrës për sezonin e ri. Por në një foto të postuar nga faqja e zyrtare e Flamurtarit në facebook, bie në sy edhe djali i trajnerit, Endri Magani. Magani pritej te Lushnja ku flitej që kishte firmosur për skuadrën myzeqare, megjithatë nga kjo foto mësojmë që e ardhmja e Maganit mund të jetë pikërisht në skuadrën e kuqezinjve të Vlorës, që drejtohet nga babai i tij Gugash Magani. Endri Magani ndodhet majtas, menjëherë pas Roland Peqinit, saktësisht i pesti. Lojtarët kanë qenë duke drekuar pas mbërritjes në Greqi, për t’u bërë gati më pas për sfidën që po luhet në këto momente me skuadrën e Kërkyrës.