Eneo Bitri është ndër lojtarët më të përfolur për një largim të mundshëm nga Partizani. Kjo pasi ofertat nuk kanë munguar. Kur ka mbetur dhe 1 vit kontratë, të kuqtë mund të jenë të gatshëm për ta shituar kartonin, për të mos e humbur me parametra zero.
Në anën tjetër vetë mbrojtësi i qendrës ka në mendje objektivat e tij. Të ardhmen mund ta ketë planifikuar, teksa shkruan në rrjetet sociale: Besoni në vete dhe shkoni aty ku dëshironi.
Mbetet për t’u parë çfarë do ndodhë ditët në vazhdim, teksa kampionati është pranë fillimit. Kujtojmë se për të kuqtë Superiorja nis më 20 gusht, me sfidën kundër Egnatias në shtëpi.
