Katar 2022
Partizani do të luajë të premten kundër Kukësit në kuadër të javës së 32-të të Superiores. Ky takim do të transmetohet drejtpërdrejt në RTSH, teksa është bërë e ditur edhe nga drejtori i sportit, Pano Xhixho. Ky i fundit ka postuar në llogarinë e tij në Instagram një foto që tregon ditën dhe orën e ndeshjes, por gjithashtu edhe televizionin që do të transmetohet.
Në sy bie diçitura të cilën ai ka vendosur. Si për të ndezur më shumë këtë supersfidë, Xhixho shkruan: “Ja sheshi, ja mejdani”.
Kujtojmë që kjo ndeshje është mjaft deçizive për objektivin e këtyre ekipeve, titullin kampion. Akuza e kundër-akuza në këto 31 javë dhe në sfidën e së premtes të dy trajnerët do të kenë mundësi të “sheshojnë” gjithçka duke marrë një fitore që mund të jetë përcaktuese për titullin. Kukësi ndodhet në vendin e parë me 65 pikë, i ndjekur nga Partizani me të njëjtën kuotë pikësh.
