Valdet Rama po kalon një formë të shkëlqyer në ligën e 3 gjermane. Ish-mesfushori i Kukësit ka realizuar 3 gola në dy ndeshjet e para që luajtur për Meppen. Këtë fundjavë, sulmuesi anësor realizoi dopietë ndaj Kaiserslauternit duke e çuar në 3 numrin e golave.
Paraqitjet fantastike ka bërë që lojtari të zgjidhet në formacionin e javës për ligën e 3-të gjermane. Një gjë e tillë është postuar nga vetë Rama në Instagramin e tij, ku shihet që është përfshirë në 11-shen më të mirë të javës. Kujtojmë që Rama luajti me Kukësin për gjysmë sezoni, por në fund nuk pranoi të rikthehej sërish dhe firmosi në Gjermani, aty po kalon sërish një formë të mirë.