U zhvillua ditën e sotme finalja e Kategorisë së Parë, Dinamo-Egnatia. Ndeshja e luajtur në “Elbasan Arena” u mbyll me fitoren 0-1 për skuadrën rrogozhinase, falë një goli të shënuar nga Shtubina. Sulmuesi shkodran përfitoi nga dalja e gabuar e portierit Bakaj dhe në 93-të e dërgoi topin në rrjetë duke I dhënë titullin Egnatias. Këtë takim nga stadiumi e ka ndjekur edhe Bledi Shkëmbi.
Ish-trajneri i Ballkanit pak kohë më parë është përfolur për të marrë drejtimin e Dinamos dhe me largimin e Olsi Ukut ditën e sotme shtohen edhe më shumë shanset që Shkëmbi të ulet në stolin e skuadrës kryeqyetase. Prezenca e tij në stadium sot të bën të dyshosh se klubi ka gjetur “timonierin” që do të drejtojë ekipin në Superligë edhe pse duhet vendimi zyrtar nga klubi.