Edon Hasani është një nga lojtarët kyç të bardhebluve, i cili shpesh herë merr në dorëzim “çelësat” e mesit të fushës.
Në sfidën e djeshme ndaj Kukësit, Hasani e nis shumë mirë duke kaluar në avantazh bardheblutë që në minutat e para të takimit. Megjithatë fati nuk vazhdoi të ishte me Hasanin i cili zëvendësohet në minutën e 46 të pjesës së dytë, pas një dëmtimi të pësuar në këmbën e djathtë.
Mesfushori i Tiranës është shfaqur ditën e sotme me këmbën pothuajse të gjithën të fashuar, teksa pritet dhe njoftimi nga stafi mjekësor për shkallën e dëmtimit. Nga raportimet e para bëhet e ditur se Hasani ka patur vështirësi në ecje, i cili në pjesën më të madhe të hapave çalon. Në prag të derbit ndaj Partizanit, Hasani do të ishte një mungesë tepër e madhe për bardheblutë të drejtuar nga Julian Ahmataj.
Loading ...
