Ditën e djeshme është ndarë nga jeta një nga figurat më të njohura të sportit shqiptar, por në veçanti të qytetit të Shijakut, Astrit Kasmi.
Kryetari i Partisë Agrare Ambientaliste, Agron Duka, me anë të një postimi në rrjetin e tij social “Facebook” shkruan disa rreshta emocionues për Kasmin.
“Lamtumirë Astrit Kasmi
Ditën e djeshme u shua një nga yjet më të ndritshme të plejadës historike të sportit shijakas, ish-volejbollisti Astrit Kasmi. “Volejbollisti fluturues” ka qenë një nga lojtarët më përfaqësues të ekipit të Erzenit. Një emër që shijakasit do të kujtojnë përherë me kënaqësinë dhe respektin më të madh, pasi mishëronte ndjenjat të larta sportive në mbrojtje të ngjyrave të qytetit tonë të vogël; i cili, edhe fal tij, ka një traditë fisnike dhe të paharrueshme në këtë sport. Ndihem krenar që Astritin e kam pasur shok skuadre dhe mik të vërtetë në jetë.
Ngushëllimet më të sinqerta për familjen Kasmi.
U prehsh në paqe Astrit”!
Loading ...
