Dinamo e 12 viteve më parë, vështirë t’i kthehet më futbollit shqiptar. Kryeqytetasit rivalizonin deri në fund për titullin kampion dhe një gjë të tillë e bënin për herë të fundit me Ilir Dajën në krye. Roland Peqini është një nga lojtarët që kanë kontribuar për 18 herë kampionët e vendit.
Ish-mbrojtësi i linjës ka bërë një postim në rrjetet sociale ku kthehet pas në kohë. Ai kujton periudhën me Gjergj Muzakën. Ky i fundit ka qenë një nga mesfushorët më të mirë të kohës për kampionatin shqiptar. Të dy shfaqen me fanelën dinamovite, ndërsa sot Peqini vijon trajner futbolli. Kurse, Muzaka është drejtor i sektorit të sportit në Bashkinë e Tiranës.
Loading ...
