Partizani luan sot në orën 18:00 takimin e parë të vlefshëm për Conference League. Të kuqtë ndodhen në transfertën e Gjeorgjisë, ku do kenë përballë Saburtalon vendase.
Faza përgatitore e “demave” u zhvillua në Slloveni, nga ku trajneri Mehmeti pati mundësinë të shihte gjendjen e të tijve, teksa vjen dita e sotme dhe është përpara përgjegjësisë për të hedhur në fushë më të mirët.
Lajmi i mirë është se Partizani ka alternativa. Dyshimet kryesore janë në repartin e portës, pasi Partizani ka udhëtuar me 4 portierë. Me shumë gjasa do jetë portieri Teqja që e nis nga minuta e parë. Dyshimet janë të mëdha dhe në mesfushë.
Mehmetit i duhet të vendosë nëse Matondo, që nuk ishte prezent gjatë fazës përgatitore për shkak dokumentacioni, do jetë apo jo pjesë e titullarëve. Më poshtë mund të shihni formacionin e mundshëm, teksa me shumë gjasa Mehmeti i ka vendosur pikat mbi “i” për titullarët e kësaj sfide.
PARTIZANI(4-3-1-2): Teqja; Hadroj, Bitri, Belica, Atanaskoski; Rrapaj, Matondo, Murataj; Hoti; Skuka, Cara
Lexo gjithashtu
