Tirana luan sot me Zrinjski Mostar në Bosnjë. Në 21:00, kampionët e Shqipërisë kanë detyrë të kthejnë humbjen e ndeshjes së parë 0-1, teksa dueli vlen për turin e dytë të Conference League.
Trajneri Orges Shehi ka zbardhur titullarët e këtij takimi. Bardheblutë luajnë me formacionin tip, teksa skema do jetë 4-3-3. Xhixha dhe Seferi nga krahët, me Devid që ka detyrë të krijojë hapësira në sulm. Gjykon turku Yasar Kemal Ugurlu.
Formacionet zyrtare:
Zrinjski: 4-2-3-1: Condric, Corluca, Magdic, Barisic, Memija, Kamenar, Savic, Ticinovic, Jankovic, Jukic, Bilbija Trajner: Sergej Jakirovic
Tirana 4-3-3: Bekaj, Toshevski, Behiratche, Najdovski, Ismajlgeci, Totre, Limaj, Aleski, Xhixha, Seferi, Devid Trajner: Orges Shehi
