Udhëtimi drejt Sardenjës i ka bërë mirë Mauro Ikardit, i cili shënoi përballë Kaljarit golin e 17-të sezonal. 23-vjeçari ishte i gëzuar pas ndeshjes, pasi kaloi me një gol shifrën totale të rrjetave të realizuara vitin e kaluar, si dhe arriti të thyente një “mallkim” që rezistonte prej gjashtë muajsh. Për herë të fundit, Ikardi u ishte gëzuar golave larg “San Siro”-s më 21 shtator të 2016-ës, kur Interi fitoi përballë Empolit pikërisht falë dy golave të tij.
A është e vështirë është të luash ndeshje të tilla?
Sigurisht që niveli i vështirësisë ishte i lartë, pasi ne vinim nga një humbje. Duhet ta harronim sa më shpejt disfatën me Romën dhe rezultati i arritur përballë Kaljarit tregoi se kemi vullnet të hekurt.
Humbja në “San Siro” jua ka komplikuar shumë planet…
Objektivi i Interit mbetet vendi i tretë. Tani duhet që të shikojmë vetëm ndeshjet tona dhe të shpresojmë te hapat falsë të ekipeve që na paraprijnë. Humbja me Romën ishte me të vërtetë e rëndë, por ata që pretendojnë për titull e tregojnë veten pikërisht në të tilla momente.
Sot shënuat një gol, por më i gëzuar ishit tek ai i Galjardinit.
U gëzohem golave të shokëve. Unë e kam e kam treguar në fushë se nuk jam egoist, për mua rëndësi ka ekipi.
Deri më tani keni shënuar 17 gola, por Beloti u shkëput shumë.
Për mua nuk ka rëndësi se çfarë bën Beloti. Siç e thashë dhe më lart, jam i lumtur edhe kur Interi fiton falë golave të të tjerëve. Për të realizuar objektivin që i kemi vendosur vetes, duhet që të japim maksimumin. T’i fitojmë të gjitha ndeshjet që na kanë mbetur.
A mund ta marrim paraqitjen tuaj sot (dje) si një përgjigje për Bauzën? Ftesa në kombëtare mungon ende.
Unë duhet që të bëj mirë këtu. Pastaj, nëse do të më grumbullojnë në kombëtare, do të jem në lartësinë e duhur
Lexo gjithashtu
