Qemal Minxhozi, ambasadori i Shqipërisë në Kosovë, në një lidhje direkte me emisionin Procesi Sportiv, është shprehur për situatën që po kalon përfaqësuesja e Kosovës, ku së fundmi ka 15 ndeshje pa humbje.
“Nuk ka ndonjë ekip të mos ketë humbur 15 ndeshje radhazi në 15 vitet e fundit. Ekipi që ka krijuar Kosova, është shpresë e të gjithë trojeve shqiptare. Nesër ndaj Anglisë, Kosova nuk ka çfarë humb. Ata kanë një frymë shumë të mirë. Secili prej tyre është lider në vetvete. Ka një harmoni në fushën e lojës. Është krijuar një atmosferë shumë e rëndësishme. Fadil Vokrri vazhdon të jetë një legjendë, sepse gjurmët e tij ishin bërë në kohën e tij, që ky ekip të bëhej me këto talente. Kosova është një burim talentesh. Më tha presidenti i Federatës Kosovare të Futbollit, Agim Ademi që këta talente vijnë vetë tani tek Kosova”.
Loading ...
