Legjenda e Flamurtarit, Sokol Kushta, duket se ka mbetur shumë i kënaqur nga fitorja e Flamurtarit mbrëmjen e djeshme ndaj Kukësit. Në një postim në rrjetet sociale, Kushta shprehet se skuadra luajti shumë mirë dhe kishe shumë kohë pa e parë Flamurtarin të bënte këtë lojë.
“Duke ndjekur ndeshjen dje, pashë një ndryshim total mentaliteti nga vitet e shkuara, pashë një ekip të vendosur mirë në fushë, një ekip me deshirë dhe dinte çfarë kërkonte. Pashë një ekip fizikisht-taktikisht të përgatitur përballë një kundërshtari të forë, më të përgatitur për kampionat. Kukësi nuk ishte dobët, por Flamurtari ishte ai që nuk e la të shpaloste asnjë nga cilësitë e saj më të mirë. Megjithëse një ekip i ndërtuar me vonesë dhe akoma pa marrë formën e plotë, më la shije të mirë. Kisha vite që nuk shikoja Flamurtarin të lozte me një takim, me krahë, krose, markime, gjuajtje. E gjithë kjo punë i përket stafit të ri dhe Dajës. Kjo nisje është një sfidë e bukur për të dhe duhet të vazhdojë kështu të marre ato frute që kerkon ai. Një ëerejtje për fushën. Nuk i takon këtij investimi madhor ajo cilësi fushe, që ndikoj negativisht në cilësinë e lojës”.
Loading ...
