Është luajtur ditën e sotme në “Olimpic Park” në Durrës miqësorja, Tomori-Drenica. Skuadra e Superligës së Kosovës që drejtohet nga Bledar Devolli ka fituar pastër 0-2 ndaj skuadrës beratase. Ndeshja u vendos nga golat e Erlis Frashërit dhe Fazliu që i dhanë kështu fitoren Drenicës.
Një test për të dyja ekipet që për momentin janë në pauzë nga kampionatet e tyre pasi edhe Kategoria e Parë në Shqipëri është ndalur për shkak të kushteve të vështira atmosferike, por edhe në Kosovë që skuadrat janë në minifazë përgatitore të janarit.