Liverpool është "mbreti" i ri i Europës. Skuadra e Premier League mposhti rivalët nga Londra, Tottenham Hotspur në finalen e madhe të UEFA Champions League.
Një sukses që përpos prestigjit dhe të ardhura, i jep të drejt "The Reds" që të garojë edhe për titullin më të rëndësishëm për klube, Botërori i Klubeve. Do të jetë Katari ai që do pres kompeticionin në dy vitet e ardhshme, përkatësisht në vitin 2019 dhe 2020.
Këto turne do të mbahen në dhjetor dhe do i shërbejë FIFA-s për të parë mbarëvajtjen e punës së zhvilluar në Katar, vendi pritës i Botërorit 2022. Këtë vit, për herë të parë pas 4 vitesh, në turne nuk do të marrë pjesë Reali i Madridit, ku ka fituar tre edicionet e fundit në Japoni dhe Emiratet e Bashkuara Arabe.
Fituesit e Ligës së Kampionëve, Liverpooli do të bashkohet me shtatë klube të tjera që përfaqësojnë konfederatat e tjera. Por ky sistem mund të ndryshojë shumë shpejt, pasi FIFA po mendon që të zgjerojë turneun me 24 skuadra, pavarësisht kundërshtimit të bërë nga UEFA.
Lexo gjithashtu
