Dinamo-Egantia është finalja Kategorisë së Parë që do të luhet në orën 17:00 në "Elbasan Arena". Pak minuta më parë, në një prononcim për "RTSH Sport", drejtori I klubit, Ermal Barushi u shpreh se kjo ndeshje është shumë e rëndësishme, ndërsa nuk preferoi të jepte detaje për të ardhmen.
"Nuk ka lidhje bonusi, por kjo ndeshje është qershia mbi tortë dhe të dyja ekipet duan ta mbyllin sa më mirë sezonin. Skuadra kishte një moment të vështirë në ato ndeshje që I mendoi të fituar pa u futur në fushë. Mendoj se ndikoi edhe pak trajnerët që erdhën, por ky grup lojtarësh u krijua për të arritur këtë objkektiv që ne tashmë kemi arritur".
Grupi aktual? "Nuk jemi në këtë fazë diskutimesh pasi kjo ndeshje është e rëndësishme për këta lojtarët dhe Dinamon e ne duam ta çojmë këtë Kupë në zyrat e klubit e në Bashkinë e Tiranës. Do të flasim me lojtarët pasi disa prej tyre u përfundon kontrata pas kësaj ndeshje".
Merkato? Kemi pasur shumë diskutime e kemi parë shumë lajme, por nuk kemi folur me stafin aktual. Ky klub do të bëhet nga fillimi dhe do të jemi model në Superligë. Kemi disa ide e këto 2 muaj do konretizojmë këto ide që kemi për krijimin e akdemisë e të gjitha të tjerave.
E kemi vlerësuar këtë ndeshje si çdo ndeshje tjetër. Objektivi është arritur, por sot kemi mungesën e Diogo Da Silvës dhe Pontrellin. Premio? Këto nuk bëhet fjalë për premio edhe pse është simbolike nga Federata. Sot dy skuadrat duhet të tregojnë se e meritojnë Superligën.
Lexo gjithashtu
