Apolonia do të luajë finalen e Play Off ditën e hënë kundër Korabit, sfidë që do të luhet në Durrës e do të startojë në orën 17:00. Ky takim, është vendimtar për të dyja skuadrat, që kërkojnë mundësinë e tyre për të luajtur kundër Egnatias dhe një vendi në Superiore.
Duke ditur rëndësinë e kësaj sfide, Bashkia e Fierit ka bërë gjestin e madh për tifozët, të cilëve u ka vendosur në dispozicion transportin falas nga Fieri drejt Durrësit.
Këtë gjë, e ka konfirmuar klubi fierak në faqen zyrtare: “Bashkia e Fierit, për finalen e Play Off Apolonia-Korabi, që do të luhet në Durrës më datë 23 maj në orën 17:00, do të sigurojë transportin për tifozët. Nisja do të bëhet në orën 14:00”, shkruhej në njoftimin e klubit.
Loading ...
