Të martën, do të luhet finalja e Kupës së Shqipërisë mes Vllaznisë dhe Laçit. Ky takim është programuar të zhvillohet në orën 19:00. Interesi nga tifozët shkodranë është shumë i madh. Dhe për këtë Bashkia e Shkodrës ka mendojë ta shndërrojë datën 31 maj në ditë feste.
Siç raporton Shkodrasport, kryetari i bashkisë, Bardh Spahia do të krijojë një “Fun Zone” në një prej pedonaleve të qytetit për të gjithë ata që nuk do të kenë mundësi ta ndjekin ndeshjen nga stadiumi “Air Albania”.
Pikërisht në pedonalen “Kole Idromeno”, drejtuesit e Bashkisë kanë menduar ta shndërrojnë në qendër aktivitetesh kulturore dhe sportive. Kujtojmë që kjo ndeshje është shumë e rëndësishme për Vllazninë, pasi një triumf i mundshëm do të thotë pjesëmarrje direkt në Kupat e Europës.
Loading ...
