Real Madrid dhe Liverpool përballen nesër në orën 21:00 për finalen e Champions League. Përballja merr jetë në Francë, ku Ancelotti dhe Klopp do bëjnë më të mirën për të fituar trofeun më të madh europian për klube.
Trajneri i Los Blancos Carlo Ancelotti ka folur në konferencën e zakonshme për shtyp në prag të sfidës. Ai i ka kujtuar Liverpool fitoren e tij me Real në transfertën e vitit 2014, në shifrat 0-3. Më poshtë mund të ndiqni një pjesë nga fjala e tij.
Në Liverpool? “Në vitin 2014 kishim lojtarë me probleme, por gjithsesi fituam. Nëse një lojtar lëndohet, nuk mund të luajë. Nëse del në fushë do të thotë se mund të jetë aty, por është një finale dhe të gjithë lojtarët do të japin gjithçka. Nuk do të ndryshojë rezultati i ndeshjes”.
Një vit më parë në Everton: “Kontrast i madh, por më pas pati një telefonatë me presidentin. Arritja në finale është një sukses i madh për ne, arritja këtu ishte shumë e rëndësishme sepse sezoni ka qenë shumë shumë i mirë, jemi shumë afër arritjes së maksimumi. Ambienti është i qetë, kjo skuadër i menaxhon shumë mirë këto lloj ndeshjesh. Të rriturit ndihmojnë të rinjtë të mbajnë me më shumë besim dhe emocion dhomën e zhveshjes."
Lexo gjithashtu
