Dritan Smajli, ish-mbrojtësi i Vllaznisë dhe shumë skuadrave të tjera në Superligë ka bërë një thirrje për presidentët e Laçit dhe Apolonisë. Për lezhjanin titulli duhet të shkojë në Shkodër, ndërsa kërkon nga Laska dhe Kokëdhima të bëjnë atë që pret qyteti verior.
E pakuptimtë nëse Smajli kërkon një tolerim nga Laçi dhe lojë të fortë nga Apolonia, që ndeshet sot me Teutën në Durrës. Kujtojmë se durrsakët kryesojnë falë golavarazhit ndaj Vllaznisë, me sfidat e sotme që do vendosin titullin. Në 17:00, Laçi luan në Shkodër me Vllanzinë ndërsa edhe në Durrës projektohet sfidë e fortë.
“Zoti Pashk Laska bëj atë që gjithë Shkodra pret sot dhe jo vetëm. Zoti Koço Kokëdhima, bëj atë që gjithë Shkodra pret sot dhe jo vetëm. Do jeni në memorien e çdo shkodrani gjithë jetën, vetëm bëjini të lumtur sot. Një ditë t’ja falni Shkodrës, sot Shkodra do ju falë gjithë jetën. Forca Vllaznia”, shkruan Smajli.
Loading ...
