Kastrioti ka nisur javën e sotme me përgatitjet për ndeshjen e së shtunës ndaj Luftëtarit.
Krutanët i janë kthyer stërvitjes sot dhe mendojnë vetëm për takimin e parë të kampionatit të datës 18 gusht në Gjirokastër.
Në faqen e tij zyrtare, klubi ka postuar një video nga seanca e sotme stërvitore.
Me fazën përgatitore verore të përfunduar dhe merkaton e pasur, krutanët synojnë një paraqitje sa më pozitive në Superligë duke patur parasysh se lufta këtë sezon në të gjitha frontet pritet të jetë shumë e ashpër.