Regi Lushkja padyshim është mushkëria e skuadrës së Laçit. Prej disa sezonesh, mesfushori i njohur ka marrë për "dore" këtë repart të fushës duke qenë mjaft konstant në paraqitjet e tij. Ish-trajneri Sulejman Starova, tashmë në pozicionin e drejtorit teknik te Teuta pati folur me superlativa për të: "Shihni atë mesfushorin e Laçit, si e ka ai? Lushkja, njësoj në çdo ndeshje. Për mua më i miri".
Dhe mbrëmë, ndaj Podgoricës, 25-vjeçari tregoi një nivel jashtëzakonisht të lartë. Paraqitja pozitive u shpërblye dhe me gol teksa në kohën shtesë, pasi ishin mbyllur 90 minutat, ai realizoi një gol të bukur në hyrje të zonës kundërshtare. Për këtë shkruan në facebook-un e tij: "Deri në frymën e fundit".
Poll
Lexo gjithashtu
