Delvina ka filluar me ndryshimet për sezonin e ri, që e gjen në Kategorinë e Dytë. Klubi jugor është në negociata me një biznesmen, emri i të cilit nuk bëhet i ditur, që do kthehet në sponsor.
Madje shtypi i shkruar tregon se Bashkia mund të vendosë për privatizimin e klubit, që do i jepte sponsorit statusin e të qenit president. Ky është lajm i mirë për tifozët e këtij klubi, pasi kështu do synojnë sërish ngjitjen një kategori më larg.
Delvina festoi në maj rikthimin në Kategorinë e Dytë, pasi kishte prekur fundin në ligën më inferiore të futbollit shqiptar. Kujtojmë se ishte fitorja 1-3 përballë Gramozit në “play-off”, që i ngjiti delviniotët.
Loading ...
