Fejzullahu bëhet çështje, Partizani kërkon ta mbajë me “dhunë”

Te të kuqtë është ndezur një konflikt mes klubit dhe mbrojtësit kosovar, Arbnor Fejzullahu. Vetë lojtari ka pohuar se është i lirë nga ana kontraktuale dhe po mendon për skuadrën e re, që pritet të jetë jashtë vendit. Madje, newsport.al ka bërë me dije se ka tratativa zyrtare me kroatët e RNK Splitit. Por klubi i kuq bën me dije se Fejzullahu është nën kontratë, për shkak të klauzolës 2+1 që ka pasur. Kontrata e tij është e depozituar në zyrat e FSHF-së, kështu që mbrojtësi nuk mund të largohet në këtë moment. Konflikti është i hapur dhe mbetet për t’u parë, nëse do të arrihet një marrëveshje për largimin e Fejzullahut, apo Partizani do ta mbajë me “dhunë”, sepse dëshira për të ikur është e qartë. Ndoshta kosovari duhet të paguajë.