Shtyhet sërish seanca për në Gjykatën e Posaçme për kryedemokratin Sali Berisha për dosjen “Partizani”.
Për shkak se mungoi një prej avokatëve të Malltezit, seanca e radhës mësohet se do të mbahet më 11 prill ku GJKKO do marrë vendimin nëse do nisë gjyqi për Berishën dhe Malltezin.
Të pandehurit e dosjes “Partizani” kanë përfunduar me pretendimet e tyre. Ndërsa Prokuroria e Posaçme ka dorëzuar me shkrim kundërshtimet në lidhje me pretendimet e të akuzuarve.
Ish-kryeministri Sali Berisha është marrë i pandehur për korrupsion pasiv pasi akuzohet se ka ndërmarrë veprime konkrete në miratim ligjesh dhe aktesh nënligjore, për t’i përshtatur sipas nevojave të pesë familjeve pronare në kompleksin sportiv Partizani, ku përfitues ishte edhe dhëndrri i tij, Jamarbër Malltezi.
Jamarbër Malltezi akuzohet për korrupsioni pasiv, kryer në bashkëpunim me Sali Berishën pasi në marrëveshje me këtë të fundit, duke shfrytëzuar pushtetin, privatizuan kompleksin partizani që i solli familjes miliona euro përfitime. Malltezi akuzohet dhe për pastrim parash.
Lexo gjithashtu
