Është ndarë nga jeta në moshën 85-vjeçare Lulzim Konçi, një prej figurave të njohura të arbitrimit shqiptar dhe ndërkombëtar. Konçi ka mbajtur stemën e FIFA-s për vite me radhë, duke përfaqësuar vendin në arenën ndërkombëtare.
Për vdekjen e Konçit ka reaguar edhe presidenti i FSHF-së, Armand Duka. Kreu i Federatës shpreh dhimbjen e tij të madhe si edhe ngushëllon familjarët e të ndjerit Lulzim Konçi.
Reagimi i Armand Dukës:
Me dhimbje të madhe mora lajmin e ndarjes nga jeta të Lulzim Konçit, një prej figurave më të spikatura të arbitrimit shqiptar.
Kontributi i tij si arbitër i FIFA-s dhe më pas si vëzhgues mbetet pjesë e rëndësishme e historisë së futbollit tonë.
Dua t’i shpreh ngushëllimet më të sinqerta familjes Konçi, të afërmve dhe komunitetit të arbitrimit shqiptar. Kujtimi i tij do të mbetet i paharruar.
Lexo gjithashtu
