Babai i Myrto Uzunit, Artan Uzuni ka bërë një reagim të gjatë në rrjetet sociale. Ai ka sulmuar faqe në “Facebook”, e cila ka postuar në rrjetet sociale një “akuzë” ndaj sulmuesit të Kombëtares, duke shkruar se ky i fundit s’e ka uruar Ditën e Pavarësisë.
Kjo ka revoltuar tej mase babain e futbollistit, duke sulmuar ashpër faqen në fjalë. Artan Uzuni ka publikuar në “Facebook”, postimet e të birit, duke uruar Pavarësinë, madje duke e puthur flamurin në mes të Athinës.
“Ky është Myrto Uzuni. Mësojeni njëherë e përgjithmonë ju dhe të gjithë ata që dëshirojnë të denigrojnë figurën e Uzunit. Për disa porta, “AlbanianTalents/TalentetShqiptare”, plasini sytë. A nuk është ky një urim për shqiptarën në Ditën e Pavarësisë, duke puthur flamurin dje në mes të Athinës?
Boll jeni munduar ta denigroni figurën e Uzunit dhe nuk jeni të vetmi. MJAFT është MJAFT! Ju sikur të kishit 10% të atdhedashurisë që është në zemrën e Uzunit, do të mjaftonte. Por ju nuk keni as 0.00%, ju jeni vetëm interesaxhinj, për LIKE, por jo atdhetarë. Turp për ju”, shkruan Artan Uzuni.
Lexo gjithashtu
