Napoli dhe Interi janë në garë të “ethshme” për titullin kampion në Serie A, ku janë ende katër javë për t’u luajtur. Napolitanët janë 3 pikë para zikaltërve në këtë garë. I ftuar në emisionin “Euro Gol” në RTSH Sport, Rinald Bregasi ka analizuar këtë “luftë” mes dy ekipeve, duke theksuar se Interit i duhet një mrekulli tashmë.
“Interi do ta ketë jashtëzakonisht të vështirë për të rikuperuar këtë diferencë pikësh, sepse në katër ndeshjet e mbetura, Napoli mund t’i lejojë vetes njëv gjysmë hapi fals një barazim. Ndërsa Interi duhet t’i fitojë të gjitha ndeshjet.
Është e vështirë për një trajner si Conte që është një prej strategëve të kësaj mrekullie që po bën Napoli, duke parë që nuk ishte favorite për fitimin e titullit në Serie A. Duket shumë e vështirë tashmë dhe Interit do t’i duhej një mrekulli të fitonte titullin kampion”, u shpreh Bregasi.
Lexo gjithashtu
