Eva Murati është padiskutim një nga moderatoret më të dashura të gjithë tifozëve. Eva drejton emisionin dedikuar Champions League në Tring TV. Profesionalizmi, zgjuarsia, korrektësia dhe bukuria janë “armët” e saj.
Çdo herë që rikthehet “magjia” e Champions League, rikthehet edhe Murati që ka arritur më së miri të bëjë punën e saj duke marrë kështu edhe vëmendjen e të gjithë sportashësve.
Por jo vetëm atyre shqiptar, pasi për të tashmë ka nisur të flitet edhe në Greqi. Media prestigjioze greke “Parapolitika.gr” i ka kushtuar një artikull mjaft interesant bukuroshes nga Elbasani.
“Prezantuesja që vlen sa një gol I Messit”, kështu hapet artikukli i medias greke kushtuar bukuroshes shqiptare. Brenda artikulit flitet gjithashtu edhe për biografinë e Evës.
“Eva Murati që nga viti 2017 e në vazhdim prezanton emisionin Champions League në Tring TV . Një mbështetëse e Juventusit, që luan në Europa League , ajo është relativisht indiferente se kush do ta fitojë trofeun me veshë të mëdhenj.
E lindur në vitin 1995 në Elbasan, ajo është diplomuar në Fakultetin Juridik në Tiranë. Ajo ishte e teta në një konkurs bukurie, ndërsa prindërit e saj janë gjithashtu të shkolluar dhe me karrierë. Babai i saj është mjek dhe nëna është inxhiniere. Eva flet italisht, anglisht, spanjisht dhe pak frengjisht”, shkruhet në artikull.
