Rron Broja ishte një nga afrimet e Partizanit në këtë
merkato vere. Mesfushori i ardhur nga skuadra e Shkupit shihet një përforcim
cilësor për kampionët e Shqipërisë që nesër do të luajnë përballë Qarabag.
Në ndeshjen e parë të mbyllur në barazim pa gola (0-0), Broja luajti disa minuta. Në sfidën e kthimit 23-vjeçari pritet ta nisë nga stoli megjithatë është kurdoherë gati për të dhënë kontributin e tij. Në një prononcim për Supersport, ai është shprehur:
“Do të jetë një ndeshje shumë e vështirë, e dimë se çfarë force ka Qarabagu. Gjithsesi, ne jemi përgatitur shumë mirë dhe besojmë se mund të kualifikohemi”.
Siç e përmendëm më lart, lojtari u aktivizua më shumë se 20 minuta në ndeshjen e parë dhe përshtypjet e para me fanelën e kuqe janë tejet pozitive.
“Falënderoj trajnerin që më dha rastin të luaj disa minuta. Besoj se do të kem më shumë hapësira. Ky është vetëm fillimi dhe u ndjeva mjaft mirë në fushë”, shtoi ai.
Në fund ka dy fjalë për sezonin e ri: “Është skuadër e madhe Partizani, besoj se edhe këtë vit do të shpallemi kampion”.
Loading ...
