Trajner që ikin e vijnë, të huaj që provohen e në shumicën e rasteve pa sukses. Një brez i ri teknikësh po vjen, konfirmohet dhe po provohet për të marrë shumë shpejt stafetën. Superliga ofron një standart të lartë përsa i përket pagesave mujore, sidomos për skuadrat e kreut dhe për këtë motiv të jesh trajner është një mundësi e mirë.
Bledar Devolli me Kamzën e tij po bën mrekulli. Jo vetëm rezultate pozitive por dhe një lojë që do ti shkonte për shtat skuadrave të kreut në Superligë, ndërkohë që Kamza luan vetëm në Kategorinë e Parë. Julian Ahmataj është një tjetër emër që mund të afirmohet në të ardhmen. Ka fituar eksperiencë tek Teuta si drejtor sportiv apo dhe zëvendës i Maganit e tani është gati për një aventurë të re. Migen Memelli po bën mjaft mirë me Tiranën B dhe shihet si një emër që mund të japi shumë në pankinë. Ardian Mema, prej shumë vitesh punon me ekipe moshash, provoi një aventurë në Arabi si trajner e tani është në rolin e zëvëndës trajnerit në Korçë tek Skënderbeu përkrah Ilir Dajës. Ernest Gjoka është padyshim trajneri i sezonit në Superligë, të paktën deri tani, dhe e ardhmja për të është shumë premtuese. Bledar Sinella tek Laçi po bën mjaft mirë dhe afrimi i tij po rezulton një gjetje e saktë. Të tjera personazhe premtues janë gati për të provuar një mundësi…
Julian Ahmataj kur luante për Tiranën
Bledar Devolli
Ernest Gjoka
Ardian Mema
Migen Memelli
Bledar Sinella
Loading ...
