Kategoria e Parë do të dhurojë sot emocionet e derbit të Myzeqesë, me Apoloninë që pret në orën 17:00 në “Loni Papuçiu” Lushnjën. Dueli I nxehtë vjen në kuadër të javës së parë për zonën play-off në grupin B të kësaj kategorie, ndërsa ndeshja do të transmetohet në RTSH Sport.
Ndeshja pritet me interes nga tifozët e të dyja skuadrave, teksa dihet rivaliteti I madh mes dy qyteteve. Derbi shpeshherë ka dhuruar emocione, ndërsa këtë herë objektivat e dy kampeve janë të njëjta, ngjitja në elitën e futbollit shqiptar. Diferenca e vogël në klasifikim dhe humbja e djeshme e Pogradecit kryesues, I japin tjetër vlerë derbit të Myzeqesë.
