Kaleb Ekuban ka dhënë një intervistë për mediat italiane, ku ka folur për aventurën e tij në Shqipëri. Sulmuesi italian është shprehur i lumtur që është pjesë e të kuqve, madje kujtoi momentin e jashtëzakonshëm të Partizanit në Kupat e Europës. 22-vjecari theksoi që 2-3 skuadrat e para të Superiores janë për Seria A.
- Ekuban, si lindi ideja e kësaj aventure?
Një mëngjes në verë, menaxheri im më tha se në Tiranë kishte shkuar trajneri Adolfi Sormani dhe se e kishte pyetur për mua. E pranoj që u mendova pak me disa dyshime në mendje. Por tani jam shumë i lumtur për zgjedhjen që kam bërë.
- Na e shpjego…
Isha mësuar të luaja në Lega Pro dhe menjëherë e pashë veten në turnin e parë paraeliminator të Ligës së Kampioneve me hungarezët e Ferencvarosh: kaluam me penallti pas një 1-1 të dyfishtë dhe unë shënova një gol. Në turin tjetër, u eliminuam nga Salcburgu por që të luaja në atë stadium dhe në ato nivele më dukej ëndërr.
- Pastaj kampionati…
Gjërat po ecin shumë mirë. Sormani nuk është më, por skuadra ime është e dyta me 4 pikë diferencë nga kryesuesit e Kukësit dhe po ndjekim titullin kampion. Kemi një publik të nxehtë dhe të apasionuar dhe personalisht jam shumë i lumtur. Kam realizuar 9 gola, jam në vendin e dytë në renditjen e golashënuesve të turneut dhe në janar u shpalla “Lojtari i muajit” nga një juri e përbërë nga gazetarë, teknikë dhe drejtues.
- Si është futbolli në Shqipëri?
Shumë i ndjekur. Taktikisht ka ende gjëra për t’u përmirësuar, por mendoj se 2-3 skuadrat e para të Superiores mund të luftojnë për Serinë A italiane.
- Po në të ardhmen e Kaleb Ekuban, çfarë ka?
Për momentin dëshira për të kurorëzuar këtë eksperiencë, më pas kam një kontratë deri në vitin 2018 me Kievon. Por ata kanë ndryshuar drejtor sportiv dhe është ende gjithçka për t’u vendosur. Dua të jem i siqnertë. Nëse do të kthehem në Itali për të vazhduar kalimin nga Lega Pro në B, do të dëshiroja nëse është e mundur të luaja shanset e mia duke qëndruar në nivele të larta. Ndoshta në Belgjikë dhe Holandë, ku kam dëgjuar zëra për interesime të mundshme.
- Ju keni pasaportë të dyfishtë, italiane dhe ganeze: a ju ka thirrur kush në ndonjë kombëtare?
Jo. Por kush e di, të shpresosh është gjithmonë e ligjshme, edhe pse nuk duhet të krijosh iluzione.
- Familja juaj jeton ende në Çerlongo…
Sigurisht, dhe sapo kam mundësi, kthehem aty, edhe për të përshëndetur miqtë. Mantova? E ndjek gjithmonë, edhe nga këtu. Shpresoj që të arrijë të shpëtojë, pasi unë jam dhe mbetem një tifoz.
Lexo gjithashtu
