Federata Shqiptare e Futbollit do të zhvillojë në Tiranë një zbor përgatitor me elementet e rinj të talentuar të futbollit shqiptar, që kanë lënë shenjë këtë sezon në ligat sportive. Datat 6-8 korrik do jenë vërtet të veçanta për lojtarët e ftuar, që nën vëzhgimin e Edi Reja-s dhe stafit të Kombëtares do të tregojnë veten për një ftesë të mundshme në Kombëtare.
Mes futbollistëve që e kanë marrë një ftesë është edhe Bruno Puja, gardiani 20 vjeçar i Kastriotit. Kavajasi ka qenë pjesë e krutanëve edhe gjatë sezonit 2018-19, kohë kur Kastrioti luante në Kategorinë Superiore. Paraqitjet e mira dhe ngjitja e Kastriotit në elitën e futbollit në vend, kanë sjellë grumbullimin e tij në këtë zbor përgatitor.