Një aksident automobilistik ka rezultuar tragjik për futbollistin Marco La Barbera, i cili bënte pjesë në ekipin e shqiptarve në Itali, Asd San Giorgio Piana 2014. Aksidenti i ndodhur mes zonës Altofonte dhe “Sheshit të Shqiptarëve” ka rezultuar tragjik për 31 vjeçarin, ndërsa janë plagosur rëndë edhe dy gra, njëra 28 vjeç dhe tjetra 52 vjeç.
Marco La Barbera ishte i apasionuar për futbollin dhe luajti për ekipin e ASD San Giorgi Piana 2014. Para aksidentit, ai ishte duke u kthyer nga një seancë stërvitore. Lajmin për humbjen e jetës së futbollistit e ka bërë të ditur vetë klubi me anë të një postimi në Facebook:
“Për fat të keq, sot zgjohemi me një lajm të hidhur i cili duhet të na bëjë të reflektojmë sesa e rëndësishme është jeta jonë. Për shkak të një aksidenti të rëndë, Marco La Barbera na la. Një shok i vërtetë, një djalë serioz, i sjellshëm, me respekt, gjithmonë me një buzëqeshje. Jemi të tronditur shumë nga ky lajm tragjik. Ne lutemi për Marco që shpirti i tij të qëndroj në paqe. Lamtumirë mik i madh. Të duam”, ka njoftuar klubi në rrjetin social të Facebook.
Loading ...
