Ekipi i Bylisit në Kategorinë e Parë ka qenë një nga skuadrat më aktive në merkaton e kësaj vere, me ballshiotët që kanë synimin e qartë rikthimin në elitën e futbollit shqiptar.
Për këtë drejtuesit kanë zhvilluar një merkato mjaft aktive me afrimin e mjaft futbollistëve me përvojë e madje mjaft të njohur në Superligë si Ardit Peposhi apo Alfred Zefi. Por së fundmi Bylisi njofton arritjen e akordit edhe me një tjetër futbollist në orët e fundit të merkatos. Bëhet fjalë për Ergis Mersini të Vllaznisë, me 28-vjeçarin që pritet të mbërrijë sot në mbrëmje në Ballsh për të firmosur kontratën.
Ish-lojtari i Flamurtarit dhe Teutës i jep kështu fund aventurës së tij me shkodranët, duke u bërë përforcimi final i Bylisit për sezonin e ri.
Loading ...
