Futbolli në vend ka ndaluar ashtu si për Kategoritë kryesore në vend edhe për moshat. Situata nga Coronavirus e cila duket se po bëhet më e rënduar në vend, duket se do t’I japë goditje të fortë futbollit, ku tashmë është vendosur në pikëpyetje zhvillimi I tij normalisht. Ndërsa për Kategorinë Superiore FSHF duhet ta mendojë gjatë se çfarë duhet të bëjë, për kampionatet e moshave duket se është më e lehtë situata.
FSHF duket se ka dy opsione për kampionatet e moshave, të cilat janë anulimi I tyre përfundimisht ose përgatitja e skuadrave për të bërë një fazë Play-Off. Siç ka bërë të ditur ABC Neës, institucioni më I lartë I futbollit në vend ende nuk ka një vendin, pasi FSHF po pret sesi do të shkojë situata. Por për shkak se ekipet e moshave nuk kanë interesa financiare pritet që çdo kampionat duke filluar nga U-15, U-17 dhe U-19 të ndërpriten dhe nuk dihet nëse do të shpallet ekipi kampion ose jo, ndërsa variant tjetër është PlayOff me 4 skuadrat e vendit të parë ku do të përcaktohet edhe fituesi.
Lexo gjithashtu
