Hysen Memolla është lojtar i ri që i shtohet listës së Kombëtares për dy ndeshjet eleminatore. Lajmi është bërë me dije nga ana e Federatës Shqiptare të Futbollit që përmes një njoftimi në kanalin zyrtar lajmëron se ai do t’i bashkohet kuqezinjve për ndeshjen e 11 tetorit ndaj Turqisë dhe 14 tetorit kundër Moldavisë.
Dëmtimi i Elseis Hysajt ka detyruar italianin që të thërrasë në skuadër mbrojtësin shqiptar që po kalon një formë të mirë.
“Shqipëria nën drejtimin e trajnerit Edi Reja është duke kryer përgatitje intensive për ndeshjet zyrtare me Turqinë dhe Moldavinë në transfertë.
Ditën e sotme ka pasur ndryshime në listën kuqezi. Hysen Memolla do ti bashkohet grumbullimit me skuadrën për ndeshjen në Stamboll më 11 Tetor dhe atë ndaj Moldavisë në 14 Tetor”, thuhet në njoftimin e FSHF-së.
Loading ...
